Мэҥэ-Алдан нэһилиэгэр олорор дьон бэйэлэрин дьиэ кэргэннэригэр,чугас дьонноругар, кэнэҕэски ыччаттарыгар анаан кинигэ таһаараллар. Эһиги көрүүгүтүгэр маннык кинигэлэр тахсаллар.

комиссаровы 001.jpg

   Биһиги дьиэ кэргэҥҥэ 2019 сыл-ураты сыл. Сүбэлээн-амалаан, ииппит такайбыт тапталлаах аҕабыт Комиссаров Николай Филиппович төрөөбүтэ 100 сылын туолар. Кэрэ-бэлиэ үбүлөйдээх ытык күнүн көрсө оҕолоро, сиэннэрэ, хос-хос сиэнэ, кийииттэрэ, күтүөттэрэ бу өйдөбүнньүк ахтыы кинигэтэ тахсарыгар бары түмсэн үлэлэстибит.

                                  Галина Николаевна Комиссарова.

захаровы 001.jpg

  Бу кинигэ биһиги күн күбэй ийэбит, Захарова Наталья Ивановна, оҕолорун эрэ туһугар анаммыт сырдык, ыраас олоҕун утумнаан салҕыыр дьылҕалаах тоҕус оҕотун удьуор ыччата көрө-истэ, ааҕа-саныы сылдьалларыгар ананар.

                                                            Оҕолоро 2019 с.

колодезниковы 001.jpg

   Саха АССР культуратын үтүөлээх үлэһитэ Колодезников Николай Иванович Томпо оройуонун культурата сайдарыгар сүҥкэн кылаатын киллэрбит дьонтон биирдэстэрэ буолар. 2020 сыл муус устар 20 күнүгэр Николай Иванович 100 сылын туолар. Бу кинигэҕэ Николай төрдө-ууһа, чугастык алтыһан үлэлээбит дьоно, доҕотторун ахтыылара киирдилэр.

ефимовы 001.jpg

Бу кинигэ Саха Өрөспүүбүлүкэтин худуоһунньуктарын союһун, Россия худуоһунньуктарын союһун чилиэнигэр, "Учууталлар учууталлара" бэлиэ хаһаайыныгар Ефимов Роман Романовичка  ананар.

дарбасовы 001.jpg

  Бу кинигэни А.П.Дарбасов, В.Р.Дарбасов, Я.П.Дарбасов,Е.А.Егорова, А.С.Колодезникова, Н.С.Николаев хомуйан оҥордулар.

Кинигэҕэ элбэх матырыйаалларга уонна ахтыыларга олоҕуран, норуот үөрэҕириитин биллиилээх үлэһитэ, ССРС үөрэҕириитин туйгуна, РСФСР оскуолаларын үтүөлээх учуутала Пантелеймон Романович Дарбасов олоҕо, үлэтэ сырдатылынна.

IMG-20201218-WA0033.jpg

   Кинигэҕэ аҕам,сэрии бэтэрээнэ Илья Федорович Колодезников 100 сылыгар анаан уонна тыыл бэтэрээнэ ийэм Марфа Романовна Дарбасова, төрөппүт оҕолорун туһунан чугас аймахтарын ахтыылара киирдилэр.

                                                                Илья Ильич Колодезников

IMG-20201218-WA0082.jpg

  Кинигэҕэ Саввиннар-Олоһуйа улахан аймах 1793 сылтан күн бүгүнүгэр диэри история хаамыытынан олорон кэлбит олохторо-дьаһахтара ойууланар.